კონტაქტი
მოგვწერეთ საქართველოსა და სომხეთთან დაკავშირებულ საკითხებზე: Young Lions Georgia, პარტნიორობა ან მედია. რამდენიმე სამუშაო დღეში გიპასუხებთ.
- ელფოსტა
- hello@canneslions.ge
- მისამართი
- თბილისი, საქართველო
- წარმომადგენლები
-
- აკო ახალაია კანის ლომების ოფიციალური წარმომადგენელი საქართველოსა და სომხეთში, Young Lions Georgia-ს თანადამფუძნებელი
- ლევან ლეფსვერიძე კანის ლომების ოფიციალური წარმომადგენელი საქართველოსა და სომხეთში, Young Lions Georgia-ს თანადამფუძნებელი
- ორგანიზაცია
-
Cannes Lions-ის ოფიციალური წარმომადგენელი საქართველოსა და სომხეთში
ხშირი კითხვები
რა არის Young Lions?
Young Lions Competitions კანის ლომების კრეატიულობის საერთაშორისო ფესტივალის კონკურსია 30 წლამდე პროფესიონალებისთვის. ის 1995 წლიდან ტარდება და დღეს შვიდ კატეგორიას მოიცავს: ფილმი, პრინტი, დიჯიტალი, დიზაინი, მედია, PR და მარკეტერები. ყოველი ქვეყანა თითო კატეგორიაში ერთ გუნდს აგზავნის, რომელსაც ადგილობრივი კონკურსი არჩევს.
Young Lions Georgia სწორედ ეს ადგილობრივი ტურია: 2015 წლიდან ყოველ გაზაფხულზე ქართული გუნდები ერთსა და იმავე ბრიფზე ასპარეზობენ, ოქროს გუნდები კი ივნისში საქართველოს კანში წარმოადგენენ.
ვინ ატარებს კონკურსს?
კონკურსს Cannes Lions Georgia ატარებს, კანის ლომების კრეატიულობის საერთაშორისო ფესტივალის ოფიციალური წარმომადგენლობა საქართველოში 2015 წლიდან. ოფიციალური წარმომადგენლები არიან აკო ახალაია (Marketer.ge-ს დამფუძნებელი) და ლევან ლეფსვერიძე (Leavingstone-ის თანადამფუძნებელი).
წარმომადგენლობა ადგილობრივ კონკურსს ატარებს, ქართველ პროფესიონალებს კანის ჟიურიში ასახელებს და ფესტივალთან დაკავშირებულ კითხვებზე პასუხობს. კონკურსის გენერალური მედიაპარტნიორი marketer.ge-ა.
როდის იქნება შემდეგი კონკურსი?
ადგილობრივი ტურები ჩვეულებრივ იანვარში ცხადდება და თებერვალ-მარტში ტარდება, რომ ოქროს გუნდები ივნისში კანში ჩავიდნენ. 2026 წელს რეგისტრაცია 3 თებერვლიდან 16 მარტამდე მიმდინარეობდა, კონკურსი 20-27 მარტს ჩატარდა, დიზაინის ტური კი აპრილში.
შემდეგი კონკურსი 2027 წლის გაზაფხულზეა მოსალოდნელი. თარიღები და რეგისტრაცია ამ საიტზე და ჩვენს Facebook გვერდზე გამოქვეყნდება.
რა არის ნიკა გუჯეჯიანის ჯილდო?
ეს საპატიო ჯილდოა, რომელიც Cannes Lions Georgia-მ 2019 წლის მარტში, ნიკა გუჯეჯიანის გარდაცვალებიდან სამ დღეში დააწესა. ნიკა არტ-დირექტორი და საქართველოს ბანკის კრეატიული დირექტორი იყო და 26 წლის ასაკში ავტოავარიაში დაიღუპა. ჯილდო შემოქმედებითი სექტორის განვითარებაში განსაკუთრებული წვლილისთვის გაიცემა; მიმღებს წარდგენილი კანდიდატებიდან ქართული წარმომადგენლობა ირჩევს და ყოველ წელს დაჯილდოების ცერემონიაზე გადასცემს.
მიმღებები: ვატო ქავთარაძე (2019), ლევან ლეფსვერიძე (2022), ეკა ყიფიანი (2023), გიორგი ოკმელაშვილი (2025) და ვასკა ჩუბინიძე (2026, სიკვდილის შემდეგ).
როგორ დაგიკავშირდეთ?
მოგვწერეთ ელფოსტაზე hello@canneslions.ge ან საიტის საკონტაქტო ფორმით. სიახლეები და დაჯილდოების პირდაპირი ტრანსლაციები ჩვენს Facebook გვერდზეა: facebook.com/canneslionsgeorgia. კანში საერთაშორისო კონკურსის შესახებ კითხვებს კანის ლომების გუნდი პასუხობს მისამართზე competitions@canneslions.com.